Kryeministri Edi Rama, përmes një postimi në rrjetet sociale, njoftoi se ushtria dhe policia bashkiake do të krijojnë urgjentisht kordonët sanitarë të tregjeve.
Rama ka njoftuar se në anën tjetër policia e shtetit do të godasë shkelësit me masa të reja ndëshkimore, që do të bëhen ligj të hënën.
Rama ka postuar në rrjet foto nga tregjet, ku shfaqen shumë qytetarë që nuk respektojnë distancën dhe janë pa asnjë mjet mbrojtës.
“Për kokëshkretët do të shkohet deri në heqje lirie. Nëse di të lehtësojmë me pikatore popullin e përgjegjshëm, kokëshkretëve do t´ua bëjmë ferr këtë sjellje që na fut zjarr të gjithëve”, shkruan Rama.
Sipas tij, Tirana është vatra më e rrezikshme e luftës, Durrësi njësoj si Tirana mund të kthehet në Vaterlonë tonë.
“Shkodra është tanimë një bombë me sahat. Fieri është një rrezik i madh potencial. Kudo mund të na iki avantazhi që kemi krijuar, nëqoftëse do ta bëjmë si Kombëtarja Kuqezi që pjesën e parë duket sikur do fitojë, pastaj… Harrojeni, këtë luftë nuk kemi për ta humbur për ata që s’kanë mendje dhe këllqe të luftojnë si mbarë populli shqiptar”, shkruan Rama.
Postimi nga Edi Rama
🔴 NËSE KY ËSHTË NIVELI i KUPTIMIT TË DETYRËS QYTETARE NË FRONTIN E KËSAJ LUFTE PËR JETË A VDEKJE DHE MEQË MESA DUKET ECURINË POZITIVE TË LUFTËS DERI TANI, SHUMËKUSH PO E KUPTON GABIMISHT SI ARSYE PËR T’U LËSHUAR ME IDENË SE S’NA GJEN GJË, ATËHERË PËRGJIGJA E SHTETIT DO TË JETË RECIPROKE PËR KËDO QË NUK DO TË HYJË NË RRESHT PËR TË MBAJTUR RADHË!
🔴 USHTRIA DHE POLICITË BASHKIAKE DO TË KRIJOJNË URGJENTISHT KORDONËT SANITARË TË TREGJEVE. POLICIA E SHTETIT DO TË GODASË SHKELËSIT ME MASA TË REJA NDËSHKIMORE!
🔴 MASAT E REJA NDËSHKIMORE DO TË JENË LIGJ DITËN E HËNË DHE PËR KOKËSHKRETËT DO TË SHKOHET DERI NË HEQJE LIRIE! NËSE DO TË LEHTËSOJMË ME PIKATORE POPULLIN E PËRGJEGJSHËM, KOKËSHKRETËVE DO T’UA BËJMË FERR KËTË SJELLJE QË NA FUT NË ZJARR TË GJITHËVE!
*Tirana është vatra më e rrezikshme e luftës. Durrësi njësoj si Tirana mund të kthehet në Vaterlonë tonë. Shkodra është tanimë një bombë me sahat. Fieri është një rrezik i madh potencial. Kudo mund të na iki avantazhi që kemi krijuar, nëqoftëse do ta bëjmë si Kombëtarja Kuqezi që pjesën e parë duket sikur do fitojë, pastaj… Harrojeni, këtë luftë nuk kemi për ta humbur për ata që s’kanë mendje dhe këllqe të luftojnë si mbarë populli shqiptar.
