Në spitalin Circolo, në Lombardi, ku ka një numër të lartë të infektuarish me Covid-19, për ta po kujdesen robotët duke zevëndësuar kështu punë e mjekëve dhe infermierëve. Sigurisht dhe për të parandaluar përhapjen e virusit tek ta.
Robotët falë kamerave të tyre, mundësojnë monitorimin e pacientëve tek mjekët, çka u mundëson atyre të mos qëndrojnë fizikisht në dhomë. Drejtori i repartit të kujdesit intensiv, Francesko Dentali, është shprehur se roboti është një ndihmës i palodhur duke shtuar se ai nuk infektohet dhe as nuk sëmuret për shkak të Covid-19.
“Roboti na ndihmon të monitorojmë disa parametra klinikë të pacientit si për shembull, rrahjet e zemrës, frymëmarrjen, presionin e gjakut si edhe aspektet mekanike të frymëmarrjes,” – tha Francesko Dentali.
