Futbollistët në Spanjë do të kenë mundësinë të votojnë, nëse dëshirojnë që të luajnë cdo 48 orë, në mënyrë që të mund të përfundojnë sezonin aktual.
La Liga nëpërmjet një video konference, mbajti një takim me Shoqatën e Futbollistëve (AFE) dhe diskutoi rreth kësaj teme, gjithashtu edhe për propozimet e klubeve rreth shkurtimit të pagave.
Zyrtarë të AFE, në parim deklaruan se do të ishte e vështirë që futbollistët të luajnë cdo 48 orë, duke i dhënë prioritet kështu shëndetit të lojtarëve, por thanë se vendimi do të merret nga vetë lojtarët me anë të një votimi.
Nga ana tjetër Fifpro, kanë deklaruar se ndeshjet duhet të kenë një diferencë prej 72 orësh nga njëra-tjetra.
