Për të shmangur humbjet nga të drejtat televizive, klubet e Premier Ligës angleze, do të detyrohen të luajnë me dyer të mbyllura ndërsa edicioni duhet të mbyllet më 16 korrik.
Kjo është hipoteza më e fundit që po qarkullon në mediat britanike, dhe e gjitha kjo bëhet për interesat ekonomike.
Madje, Ky propozim është mbështetur nga të gjitha klubet angleze dhe vendimin final i takon Qeverisë, Ministrisë së Shëndetësisë dhe Shoqatës së Futbollistëve, të cilët sigurisht do të vlerësojnë zhvillimin e situatës së coronavirusit.
Skenari i parapëlqyer nga Premier Ligë, është që sezoni të rinisë në fillim të muajit maj dhe të përfundojë në mesin e korrikut.
Sipas “Daily Mail”, në kontratën me kompanitë televizive thuhet se afati i fundit për përfundimin e edicionit është 16 korriku.
Në rast se sezoni nuk do të përfundonte atëherë, Premier League, do të humbte rreth 800 milionë euro.
