Kryeministri Edi Rama ka postuar në rrjet një video, ku shfaqet një qytetar italian, i cili ekzekuton himnin kombëtar të Shqipërisë, si shenjë falenderimi për 30 mjekët dhe infermierët shqiptarë, që krahas bluzave të bardha të sistemit shëndetësor italian, po luftojnë Covid 19.
Rama shkruan se ka marrë falenderime dhe mijëra mesazhe nga Italia lidhur ekpin shqiptar të mjekëve dhe italianëve, që po shërbejnë në një nga vatrat më të nxehta të koronavirusit.
Mesazhi nga Rama
Kam marrë me shumë kënaqësi e kthyer me po aq përunjësi falenderime, mijëra mesazhe nga Italia, që nga kryeministri, ministra e lider partish, senatorë, deputetë, tek njerëz të kulturës e të sportit dhe njerëz të panjohur, që kalonin sms e tyre përmes shqiptarësh në Itali, të cilët edhe ata më kanë shkruar pafund nga ana e tyre…
Por, kur më erdhi dorë pas dore mbrëmë vonë, KJO VIDEO E BËRË NË BALLKON NGA NJË QYTETAR ITALIAN, JAM DRITHËRUAR FORT dhe në pamundësi për t’ia dhënë dot drejtëpërdrejtë, falenderimin e thellë që meriton ky njeri i panjohur, JAM I BINDUR SE TË GJITHË JU, DO TË BASHKOHENI ME MUA, duke e ndarë me të tjerë këtë perlë të rrallë, derisa do Zoti i mbërrin në dorë me një #GRAZIEdiCUOREdalALBANIA, dikujt që e njeh këtë zotëri fisnik🙏
Mbyll
