Profesoresha Najada Çomo, mjeke në spitalin Infektiv, atje ku po kurohen disa nga të prekurit nga koronavirusi, i është drejtuar me një apel të fortë qytetarëve për të respektuar masat që parandalojnë përhapjen e Covid-19.
“Kur më duhet të lëviz në Tiranë, për të ardhur në Shërbim Infektiv dhe shikoj njerëzit në rrugë, them me vete: Eshtë e tmerrshme që këta nuk e dinë se çfarë bëhet, luftë, në Shërbimin Infektiv.” Kështu është shprehur në këtë thirrje publike me video të orëve të fundit, Prof. Najada Çomo, nga shërbimi infektiv në QSUT.
E ndërsa zyrtarisht në Shqipëri janë evidentuar 212 raste me Covid 19, ka 40 pacientë të shëruar dhe 10 që kanë humbur jetën, qytetarëve i është kërkuar distancimi sociale dhe higjena personale.
Qeveria prej ditës së sotme ka ashpëruar masat e qarkullimit të këmbësorëve, duke mos lejuar më shumë se 1 anëtari të familjes që të dalë nga banesa për të bërë pazare.
Ndiqni mesazhin e pro. Najada Çomo nga brenda spitalit Infektiv, atje ku po luftohet me koronavirusin.
https://www.facebook.com/OgertaManastirliu/videos/666755974154614/
