VIDEO/ “Shefqet Ndroqi” kthehet në spitalin “Covid 2”, Manastirliu apel qytetarëve

Ministria e Shëndetësisë dhe Mbrojtjes Sociale, Ogerta Manastirliu, bëri të ditur se spitali “Shefqet Ndroqi” është kthyer në “Covid 2”, ku do të trajtohen pacientët e prekur me koronavirus, krahas spitalit Infektiv, që është “Covid 1”.

“Kemi hapur dje spitalin Covid-2. Pacientët e Spitalit Shefqet Ndroqi janë transferuar në spitalin e Elbsanit.

Në Spitalin Infektiv vijon trajtimi i 75 pacientëve. 40 qytetarë janë kuruar tashmë dhe tani janë në vetëizolim në banesat e tyre.

Të dashur qytetarë, qeveria shqiptare është duke luajtur të gjithë gurët për t’u ardhur në ndihmë të gjithë qytetarëve”, tha Manastirliu.

LEXO EDHE  Arrihet marrëveshja, shtyhet deri në 31 gusht pagesa për këstet e kredive

Ajo vuri theksin në zbatimin e masave, higjenën personale dhe distancimin social, si dy “armët” kryesore për parandalimin e përhapjes së Covid-19.

Në mesditën e sotme, Ministria e Shëndetësisë raportoi 15 raste të reja të zbuluara në 24 orët e fundit, ndërsa numri i të prekurve është 212. Si pasojë e Covid 19, kanë humbur jetën 10 pacientë.

🔴Komunikim me qytetarët për hapjen e spitalit COVID-2 dhe PAKTIN PËR SHËNDETIN🤝

Gepostet von Ogerta Manastirliu am Sonntag, 29. März 2020