“Faleminderit Shqipëri” / Conte reagon pas mbërritjes së 30 mjekëve dhe infermierëve shqiptarë

Kryeministri italian Giuseppe Conte ka shprehur falenderime për mbërritjen në Itali të skuadrës prej 30 mjekësh e infermierësh shqiptarë, që do i bashkohen bluzave të bardha në vijën e parë të luftës kundër COVID-19.

Conte përmes një postimi në rrjetin social Facebook ka shpërndarë fjalimin e homologut të tij, Edi Rama, ku ka falënderuar autoritetet shqiptare.

LEXO EDHE  Zgjedhorja/ Rama: Ja si do ta mbrojmë votën me adminsitratë

“Faleminderit”, shkruan Conte, ndërsa ka publikuar dhe ikonën e flamurit shqiptar.

Një ditë më parë Kryeministri Edi Rama ishte në Rinas për të përcjellë ekipin shqiptar, ndërsa theksoi se Shqipëria e bëri këtë në shenjë solidariteti, duke shtuar se; “pavarësisht se nuk jemi të pasur, shqiptarët nuk e harrojnë mikun në vështirësi”.