Ish-futbollisti i Newcastle, Nolberto Solano, është arrestuar në Peru pasi ka refuzuar të respektojë shtetrrethimin që ka vendosur vendi si masa për parandalimin e përhapjes koronavirusit.
Solano, i cili luajti në Premier League për Newcastle, Aston Villa dhe West Ham, ka kërkuar falje për qëndrimin jashtë shtëpisë dhe mosbindjen ndaj ligjit.
“Pendohem shumë dhe kërkoj të falur”, tha Solano. “S’do të justifikohem. Është e vështirë për të gjithë, por më e rëndësishmja është shëndeti ynë, pa të s’mund të bëjmë asgjë”.
