Matererazzi kujton incidentin e famshëm: “Pas provokimit që i bëra Zidanit, nuk e prisja atë goditje”

Në një lidhje direke në “Instagram”, së bashku me mbrojtësin Fabio Cannavaro, Marco Materazzi duke folur për gjëndjen e Italisë në këto moment të vështira për shkak të coronavirusit, ndër të tjera ka folur edhe për finalen e Kupës së Botës të vitit 2006.

Mbrojtësi Italian ka kujtuar edhe njëherë atë goditje me kokë të Zinedine Zidanit në drejtim të tij, duke deklaruar:

“Puna shkoi kështu: i thashë nuk dua fanellën, preferoj motrën tënde. Kurrë nuk e kisha menduar se ai do të arrinte deri në këtë pikë, por edhe kjo ishte për fatin tim të mirë sepse nuk kuptova asgjë, ndryshe do të kisha reaguar dhe do kisha dalë me të kuq dhe unë”.

“Nuk jam takuar më me të që prej asaj mbrëmjeje. Nëse do të bëhej një ndeshje mes legjendave të Italisë dhe Francës unë nuk do të merrja pjesë, ndryshe do të kërciste grushti në fushë”.

LEXO EDHE  Xavi vulos të ardhmen e Frenkie de Jong te Barcelona