Nga Boldnews.al
Ashpërsimi i masave të izolimit, thuajse deri në ekstremin e mbijetesës, po forcon bindjen e qytetarëve mbi paaftësinë dhe keqmenaxhimin e situatës shëndetësore nga ana e qeverisë së Edi Ramës.
Kryeministri Rama ka urdhëruar marrjen e masave të reja për javën e ardhshme, gjatë të cilës do të dali nga shtëpia vetëm një person, pasi të jetë pajisur me leje të posaçme.
Ndërkohë, me një kokëfortësi ekstreme dhe në kundërshtim të hapur me sugjerimin e Organizatës Botërore të Shëndetësisë, shefi i qeverisë vijon të deklarojnë se testimet për korona-virusin do të vijojnë të jenë në shifra të limituara, vetëm tek ata që konsiderohen “të dyshuar realë”.
Nga njëra anë forcimi i masave të izolimit dhe nga ana tjetër numri i ulët i testimeve, janë tregues të qartë se kryeministri Rama e ka situatën tërësisht jashtë kontrollit, përtej shprehjeve të tij emocionale se “po bëhem copash përditë për popullin”.
Shqipëria vijon të ketë numrin më të ulët të testimeve, krahasuar me vendet e rajonit e më gjerë.
Qeveria ka zgjedhur që të zhvillojë një numër të kufizuar testesh për korona-virus, me qëllim që të mos mbingarkohet sistemi spitalor, i cili gjendet në situatën më të vështirë pas strategjive tërësisht të gabuara dhe me sfond korruptiv të fondeve për atë sektor.
Nëpërmjet numri të ulët të testimeve, spitalet shqiptare, me shumë mundësi, do të jenë në gjendje të përballojnë përkohësisht fluksin e pacientëve të prekur nga virusi.
Por, kjo metodë, tërësisht e gabuar, duket se është edhe shumë e rëndë për shoqërinë shqiptare. Ndërkohë që Edi Rama synon të mburret me shifra të ulëta të të prekurve falë “masave të tij”, nga ana tjetër, shtohet rreziku që personat e infektuar dhe të patestuar, të përhapin virusin në një masë shumë të madhe të popullsisë.
Në rast se konfirmohet ky skenar i errët, nuk është më thjesht paaftësi, por edhe kriminale.
Për t’u shpëtuar pasojave politike, pasi gjendja e qytetarëve nuk duket se është në planin e tij primar, Rama ka zgjedhur që të izolojë thuajse 80 përqind të qytetarëve shqiptarë gjatë ditëve të ardhshme (do të ketë leje-dalje për një person në familje me mesatarish 4-5 persona).
Për fatin e keq të shqiptarëve, Edi Rama ka zgjedhur të dëgjojë vetëm veten- ai refuzon të dëgjojë sugjerimin e OBSH-së për “testime, testime, testime”.
Ai ka vendosur të refuzojë paralajmërimin tjetër të Organizatës Botërore të Shëndetësisë që “izolimi social” nuk është zgjidhja para korona-virusit. Zgjidhja është testimi, identifikimi i të prekurve, izolimi i tyre dhe shërbimi shëndetësor.
Kjo është zgjidhja që rekomandon OBSH-ja. Por, zbatimi i rekomandimit kërkon që një shtet të ketë primarë shërbimin shëndetësor për qytetarët. Në Shqipëri, fondet e Shëndëtësisë kanë shkuar për oligarkët e koncensioneve.
Dhe, për të “respektuar” klientët qeveritarë, Edi Rama po bën përpjekje maksimale-po izolon shumicën absolute të qytetarëve për të mos prekur qindra-milionë eurot e koncensionarëve.
Rekomandimet e OBSH-së, natyrisht, nuk vlejnë përballë sjelljes së kryeministrit Edi Rama. Për situatën aktualë, më shumë duket se është aktuale vargu i Dritëro Agollit “një kokë e çmendur, të gjithë i çmend!”
