Barcelona po konsideron një shkurtim prej 70% të pagave të të gjithëve futbollistëve të saj. Sipas mediave të ndryshme ndërkombëtare, kjo gjë do të ndodhë për aq kohë sa kjo situatë e coranvirusit do të vazhdojë në Spanjë.
Skuadra është shprehur parimisht dakord për të biseduar, por, sipas asaj që raporton “Marca”, propozimi i parë që do të bëjë klubi, do të refuzohet nga lojtarët.
Ndonëse janë të vetëdijshëm për situatën dhe që duhet marrë masa të veçanta, lojtarët nuk janë aspak të bindur nga akordi që u ka propozuar klubi dhe kanë kërkuar kohë për të kthyer përgjigjen e tyre, që sipas të gjitha gjasave, do të jetë negative.
Barcelona është i vetmi ekip në Spanjë, e cila po përpiqet të marrë masa të tilla për të zbutur impaktin negativ që përhapja e coronavirusit ka pasur në financat e klubit, megjithëse më shumë klube pritet të bëjnë të njëjtën gjë në të ardhmen.
