Shtetet e Bashkuara të Amerikës, kanë zyrtarisht më shumë persona të infektuar me koronavirus, se çdo vend tjetër, përfshirë këtu edhe Kinën, shteti ku u shfaq fillimisht virusi vdekjeprurës Covid-19.
Në SHBA janë prekur nga koronavirusi 82,174 persona dhe kanë ndërruar jetë 1,177 persona. Vetëm në 24 orët e fundit, ka patur 13,963 raste të reja infektimesh dhe kanë ndërruar jetë 150 persona.
Senati amerikan ka aprovuar një paketë historike, 2 trilionë dollarë, për të ndihmuar qytetarët dhe bizneset, nga kriza që po shkakton pandemia e koronavirusit dhe për të shpëtuar ekonominë.
Në mbarë botën janë infektuar me koronavirus 525,807 persona dhe kanë humbur jetën 23,714 persona.
Vendi më i goditur dhe me më shumë fatalitete nga ky virus, është Italia, ku kanë ndërruar jetë 8,215 qytetarë.
