Kryeministri “rëndohet” nga sëmundja e vjetër

Nga Boldnews.al

Në merak jemi për të, fundja në këto kohë të vështira çdo ankth, dhimbje apo frikë kolektive, më shumë e Rilindasve, sigurisht që nuk do të ndihmonte në kapërcimin e krizës së përhapjes së coronavirusit. Por duhet thënë gjithsesi që kryeministri ynë është i sëmurë. Sinptomat janë të dukshme, edhe pse kjo “gangrenë kronike” e tij ka kohë që i vërtitet në trup dhe mendje.

Ai vuan nga sëmundja e pashërueshme e propagandës! Kreu i qeverisë bëri një “ispektim” sot në rrugët e Tiranës, i shoqëruar nga një numër i madh truprojash dhe efektivë policie. Gjithçka e mirëmënduar nga duhet të kalonte, si do të shfaqeshin dy të moshuar si “rastësisht” dhe më pas të bëhej edhe filmi i radhës me këshillat e atij që është kthyer në gjitholog dhe trategun e luftës kundër “COVID-19”.

Të gjithë me maska dhe dorashka për tu mbrojtur nga coronavirusi, por kryeministri i kishte shkelur këta rregulla. Jo se nuk gjendet një maskë a dorashka për të, pasi edhe nga dheu e sigurojnë, por kështu e donte shfaqja.

“Duke qenë se ju njoh mirë, po i dal përpara duke ju thënë aman, mos më shkruani ku e ke maskën e pse s’ke dorashka. E kemi përsëritur që maska e dorashkat nuk janë për kalimtarët, po të sëmurët, ata që kujdesen për një të sëmurë apo ata që e kanë punën me mundësi kontaktesh të afërta në tërësi… Kalimtarët mjafton të respektojnë rregullat, sidomos distancën +1m, mosdhënien e dorës, përdorimin e gropës së brrylit nëse teshtijnë apo kolliten dhe janë të mbrojtur”-shkruajti Rama në rrjetet sociale.

Kameramania e njohur Manja, që është edhe shefe e madhe e “Edi Rama televizion”, ishte në ballë të parë të kortezhit që shoqëronte kryeministrin. Për të dalë sa më bukur shefi, gjithnjë e atë e shohim të ecë mbrapsht.

LEXO EDHE  Shqipëria kërkon konsulent për menaxhimin e borxhit, detyrat që do të ketë

Por sëmundja bën të vetën, për më shumë në këtë kohë që e ka rënduar thellë e më thellë. I nevojitet vetëm propaganda, për të mbuluar me hi llafologjishë dhe gjithologjishë problemet e përditshme që kanë qytetarët, sidomos ata që detyrohen të ngujohen në shtëpi dhe janë në pamundësi të theksuar ekonomike për të përballuar situatën.

Deri më tani janë “ngopur” pafundësisht nga deklaratat bajate të kryeministrit dhe ministrit Arben Ahmetaj, që flasin për miliona euro që do të shpërndahen në formë ndihme për të punësuarit në biznesin e vogël dhe për shtresat në nevojë, por nuk janë në gjendje që të thonë se sa është shifra që do të shkojë direkt si ndihmë në duart e qytetarëve, jo se nuk dinë të kalkulojnë, por shifar janë qesharake.

Thuhet se një familje me përkrahje sociale këtë muaj do i dyfishohet ndihma. Mesatarja është 46 mijë lekë të vjetra në muaj, do i bëhet 90 mijë të vjetra. A mbahet familja me aq para, kur gati 30 % e kësaj vlere do i shkojë si faturë e ujit të Lali Erit, për më shumë është rritur konsumi, si shkak i larjes më të shpeshtë të duarve.
Të gjithë po vuajmë.

Dikush nga “sëmundja” e varfërisë, kryesisht qytetarët, ndërsa nëpunësit e lartë të Rilindjes vuajnë se këto ditë nuk kanë marrë para nëndorë për ndonjë ceritikatë pronësie, apo alleshevrish tjetër.
Por sëmundja e kryeministrit është e vëçantë, pasi nëse nuk e kryen të paktën një herë në ditë “kurën” e imazhit, ai pëson komplikacione të rënda, larg qoftë deri në humbje të kujtesës dhe akoma më rëndë…!