Griezmann pritet të “sakrifikohet” nga Barcelona, ndizet gara për shërbimet e francezit

Antoinne Griezmann u transferua me bujë të madhe nga skuadra e Atleticos së Madridit tek Barcelona.

Fillimisht, francezi, hasi vështirësi në ambientimin me skuadrën katalanase dhe në veçanti me Leo Messin, ndërsa së fundmi performancat e tij ishin në ngritje.

Gjithsesi te Barcelona janë të bindur se për të sjellë në “Camp Nou”, yje si Neymar dhe Lautaro Martinez, duhet që skuadra patjetër të shesë lojtarë dhe Griezmann është i pari në listë. Arsye për këtë, është vlera e lartë e tij në treg por edhe pasi hapësirat për të në skuadër do të ishin të limituara.

LEXO EDHE  Hetimi i Bylis-Tirana, Komisioni i etikës me dosje voluminoze se si janë vendosur bastet

Duke parë këtë situatë, në garë për shërbimet e 29-vjeçarit është futur Manchester United, që është gati të paguajë një shifër prej 100 milionë eurosh, që të marrë kampionin e botës në “Old Trafford”, një shifër e përafërt me të që Barcelona pagoi për ta marrë nga Atletico.

Përveç “djajve të kuq”, Griezmann ndiqet me mjaft interes edhe nga Paris Saint Germain, që po mendon të përfshijë sulmuesin në marrëveshjen që do të çonte brazilianin Neymar te Barcelona, në një shkëmbim të bujshëm.