Kreu demokrat Lulzim Basha i ka drejtuar një apel qytetarëve që të zbatojnë me përpikmëri masat për distancimin sociale dhe rregullave të distancës edhe kur dalim nga shtëpia, si armën më të fortë kundër koronavirusit.
Basha i bëri thirrje qeverisë që të urdhërojë mbylljen e menjëhershme të fabrikave dhe bizneseve, si call center apo fasoneri, që janë të mbyllura dhe nuk respektohen largësitë mes punonjësve, duke i kthyer ato në rrezik të infektimit apo përhapjes së koronavirusit.
Gjithashtu, kreu i PD-së i bëri thirrje Qeverisë që të shpallë gjendjen e fatkeqësive natyrore.
“Mos vononi detajimin e ndihmës që keni shpallur dhe bëni gati një paketë tjetër, pasi kjo e deklaruar nuk mjafton”, iu drejtua Basha, Qeverisë, duke kërkuar ndërprerjen e ccdo shpenzimi tjetër, dhe këto para të shkojnë për shëndetin e shqiptarëve dhe nevojat akute të qytetarëve.
Basha u shpreh optimist se kjo situatë do të kalohet dhe do të dalim më të bashkuar dhe më të fortë se para kësaj epidemie.
