Një tjetër pacient i prekur nga koronavirusi ka humbur jetën në spitalin Infektiv në Tiranë, duke e çuar në 5 numrin e viktimave.
Kjo është vdekja e dytë brenda pak orësh, pasi më parë u nda nga jeta një 43 vjeçar nga Kavaja, i cili nuk vuante nga sëmundje të mëparshme.
61-vjeçari nga Tirana, viktima e 5-të e Covid 19, ishte vendosur në frymëmarrje të drejtuar (respirator) për disa orë, por pavarësisht përpjekjes së mjekëve, nuk ka mundur të mbijetojë.
61-vjeçari kishte sëmundje bashkëshoqëruese.
Ministria e Shëndetësisë i shpreh ngushëllimet familjes së të ndjerit dhe apelon dhe një herë qytetarët të respektojnë me shumë rigorozitet rregullat e distancimit social dhe të telefonojnë 127 në rast se kanë shenja të sëmundjes.
