Barcelona dëshiron që Marc-Andre ter Stegen të mbetet portieri kryesor i skuadrës edhe në të ardhmen, mirëpo e ka të vështirë të arrijë marrëveshje me të.
Portieri gjerman, i cili është duke e rivalizuar Manuel Neuerin për portierin numër një të kombëtares, iu bashkua suakdrës katalanase në vitin 2014 nga Borussia Monchengladbachu.
Sipas gazetës spanjolle “Sport”, Barca i ka ofruar kontratë të re deri në vitin 2024, me përfitime prej 6.5 milionë eurosh në vit. Mirëpo, palët akoma nuk kanë arritur marrëveshje. Një ndër arsyet mendohet të jetë se 27-vjeçari është i tunduar që të kthehet në vendlindje, ku kërkohet nga gjiganti Bayern Munich.
