Italia ashpërson masat lidhur me përballimin e tragjedisë që po ndodh nga pandemia botërore e koronavirusit, ku shifra e personave që kanë humbur jetën ka kaluar 5 mijë persona, duke u renditur si vendi i parë lidhur me numrin e lartë të vdekjeve.
Kryeministri italian, Giuseppe Conte, ka njoftuar ndalimin e aktiviteteve joprodhuese në të gjithë Italinë.
Conte theksoi se supermarketet, farmacitë, bankat, shërbimet postare do të mbeten të hapura, ndërsa shtoi se transporti është i garantuar.
Ai i bëri thirrje qytetarëve të mos krijojnë panik duke nxituar për të bërë blerje. Ai njoftoi se masat e reja do të fillojnë të hënën në 23 Mars.
“Është një vendim shumë i vështirë, por i domosdoshëm. Të dhënat e fundit flasin për një emergjencë që nuk pritet të ngadalësohet”, tha Conte.
