Ndeshja gjysmëfinale e “play-off”-it në kuadër të Ligës së Kombeve për kualifikim në Euro 2020, mes Maqedonisë së Veriut dhe Kosovës do të zhvillohet praninë e tifozëve.
Sfida pritet të mbahet më 4 qershor në stadiumin “Todor Proeski” në Shkup. Ky është vendimi më i fundit i UEFAs, dhe këtë ua ka komunikuar dhe federatave respektive.
Kjo ndeshje ishte planifikuar të zhvillohej më 26 mars, mirëpo si pasojë e përhapjes së koronavirusit Covid-19 në shumicën e vendeve të Evropës, UEFA vendosi t’i pezullojë të gjitha aktivitetet e muajit mars dhe prill dhe njëherësh edhe ta shtyjë Kampionatin Evropian për një vit, në mënyrë që të ruhet shëndeti i të gjithëve dhe njëherësh t’i jepet mundësi federatave që t’i përfundojnë deri në fund të qershorit kampionatet e tyre kombëtare.
Ndërkohë, ndeshja finale e “play-off”-it do të zhvillohet më 9 qershor, ku do të ballafaqohet fituesi i ndeshjes Maqedoni e Veriut – Kosovë me fituesin e ndeshjes tjetër gjysmëfinale Gjeorgji–Bjellorusi.
