Të mërkurën në mbrëmje kryeministri, Edi Rama, në një lidhje në emisionin “Open” foli rreth masave të marra në luftën ndaj coronavirusit. Rama tha se masat e rrepta ishin të domosdoshme në mënyrë që të ndalohet përhapja e koronavirusit dhe që Shqipëria të mos kalojë situatën e Italisë.
Teksa shpjegoi masat parandaluese, Rama bëri edhe një krahasim me kombëtaren e futbollit. “Nuk duhet të bëjmë si kombëtarja që luan pjesën e parë shumë mirë, edhe në pjesën e dytë luan mirë, por në minutat e fundit, kombëtarja kthehet në mbrojtje dhe pëson gola. Masat e ashpra merren tani që të mos kalojmë edhe në një situatë si Italia”– ka thënë Rama.
Këtë krahasim e ironizoi edhe mbrojtësi i kombëtares shqiptare, Mërgim Mavraj në rrjetin social Instagram ku fillimisht thekson që mbështet hapat e marra nga qeveria për parandalimin e virusit por nuk ngurron ta thumbojë kryeministrin duke thënë: “Sa për golat në minutat e fundit, ftojmë politikanët të futen në ndeshjet tona të ardhme të na japin një dore mos të pësojmë gol. Ne e çuam Shqipërinë në Europë, mbase e çojnë edhe ata”– vijon statusi i Mavraj.
https://www.instagram.com/p/B97ZuN3oxS3/?utm_source=ig_web_copy_link
