Futbollistët e skuadrës gjermane, Borussia Monchengladbach janë shprehur të gatshëm të heqin dorë nga rrogat e tyre, duke i ardhur kështu në ndihmë stafit të skuadrës.
E gjitha kjo vjen nga situata që ka krijuar coronavirusi, pasi këto muaj mund të ketë probleme të pagesave për të gjithë stafin e klubit.
Këtë lajm e ka konfirmuar drejtori sportiv, Max Eberl, i cili ka thënë: “Ekipi ka ofruar të heqë dorë nga paga nëse kështu mund të ndihmojë klubin dhe punonjësit.”
I pyetur nëse ishte një propozim që klubi po planifikonte t’i përgjigjej, ai tha: “Po. Jam shumë krenar për djemtë”.
