Ish-Kryeministri Sali Berisha ka reaguar ndaj operacionit të djeshëm të Policisë së Shtetit që çoi në arrestimin e dy vëllezëve , të dyshuar për grabitjen e ndodhur në Rinas në 2019.
E ndërsa Kryeministri Edi Rama ka vlerësuar aksionin e Policisë së Shtetit, duke shkruar se “dje policia u hodhi prangat organizatorëve të grabitjes së aeroportit të Rinasit qershorin e shkuar dhe u konfiskoi 130 mijë € si edhe tre armë zjarri”, Berisha shprehet se vëllezërit Çala u dorëzuan vetë.
“Çalët u dorëzuan si Alizoti i Xhafës!
Ata u arrestuan pasi Daja nga Kosova iu doli halle dhe vetëm e vetëm për të mbuluar vjedhësit shteterorë, autorë të vërtetë vjedhjes së shekullit në aeroportin e Rinasit.
Dëshmia e krimit të tyre: “180 mijë euro, të tjerat i hëngri fushata”,” shkruan Berisha.
