Koronavirusi ka krijuar një situatë serioze në Shqipëri, ku deri mesditën e djeshme janë zyrtarisht 59 të prekur dhe janë shënuar 2 viktima.
Mjeku reanimator në QSUT, Krenar Lila, ka treguar se cilat janë shenjat e një personi pasi preket nga ky virus.
Ai tha se problemi i vetëm që këta persona kanë, është pamundësia për të marrë frymë, por kjo vetëm për të sëmurët që nuk kanë sëmundje të tjera shoqëruese.
“Kanë vetëm një gjë, pamundësi për të marrë frymë, për ata që nuk kanë sëmundje të tjera shoqëruese, sepse ata që kanë sëmundje të tjera, rënia e nivelit të oksigjenit në gjak mund të shkaktojë komplikacione.
Pamundësia për të marrë frymë nuk është e dhimbshme, por është ankcioze (gjendje ankthi) dhe duhet ndërhyrë shpejt”, tha mjeku në “Opinion”.
Ndërkaq ai tha se një pacient që futet në terapi intensive, kohëzgjatja që kërkon kjo ndërhyrje kërkon disa ditë. /abcnews.al
