Media shtetërore ruse ka fajësuar Britaninë për pandeminë globale të koronavirusit, shkruan Daily Mail.
Media e mbështetur nga Kremlini ka transmetuar propagandë, e cila thekson se Covid-19, forma e re e koronavirusit, u krijua si një mjet për të mirën e Britanisë së Madhe.
Ndërsa Britania vazhdon të luftojë pandeminë duke kapur me shpejtësi botën, akuzat në mediat ruse përfshijnë:
Britanikët ‘njollosën diçka në Wuhan’ në të njëjtën mënyrë që ata përdorën agjentin nervor në dorezën e dyerve të Skripal’;
Pandemia ishte koha që përkoi me daljen e Britanisë nga BE për të përmirësuar statusin e saj global;
Porton Down, laboratori i Salisbury në qendër të skandalit të Skripal Novichok, ‘patentoi një vaksinë’ për Covid-19;
‘Ekziston një operacion special në vazhdim’ i lidhur me virusin ‘lojtarët e të cilit janë Aleanca Britaniko-Amerikane’;
Covid-19 u krijua aksidentalisht në 2015 në Institutin Pirbright në Woking;
Coronavirus është një përpjekje për të fituar qasje në tregjet kineze, sepse ‘Churchill ka thënë se Anglia nuk ka miq ose armiq … vetëm interesa biznesi’.
