Ish-lojtari i Chelseat, John Obi Mikel, ka lënë klubin turk Trabzonspor, pasi në këtë vend vazhdon të luhet akoma futboll, pavarësisht situatës që ka krijuar coronavirusi.
Në mes epidemisë së coronavirusit, nigeriani, ka deklaruar se nuk ndihej aspak komod të luante futboll në këtë situatë kritike.
Tashmë është konfirmuar se, Mikel, i cili u bashkua me Trabzonspor vitin e kaluar dhe që pati një kontratë deri në maj të 2021, në mënyrë konsensuale ka prishur kontratën me klubin .
“Ka jetë përtej futbollit. Nuk ndihem i qetë dhe nuk dua të luaj futboll në këtë situatë. Të gjithë duhet të jenë në shtëpi me familjet e tyre në këto kohë kritike”. – ka thënë 32-vjeçari në një postim në Instagram.
