Ronaldinho aktualisht ndodhet në një burg të Paraguait, pasi hyri në vendin amerikano-latin duke përdorur një pasaportë të rremë.
Fillimisht mendohej se Ronaldinho do të linte shpejt qelinë, por një gjë e tillë nuk ka ndodhur dhe ai mbetet në burg prej 2 javësh.
Por tashmë duket se situata juridike e brazilianit është rënduar pasi prokuroria vendase është e përqendruar në zbulimin e një skeme pastrimi parash, që përfshin edhe një grua sipërmarrëse, Dalia Lopez, e cila e kishte ftuar brazilianin në Paraguai.
Hetuesit do të analizojnë mesazhet në telefonin e Ronaldinhos dhe të vëllait të tij, Roberto Assis.
Sipas autoriteteve, por hetohen lidhjet e dy vëllezërve me Lopez, e cila i ka takuar sapo mbërritën në aeroport, në kryeqytetin Asuncion, para se të arrestoheshin.
“Hipoteza jonë është që dokumentet false janë përdorur për qëllime tregtare apo për investime që nuk janë të ligjshme. Për këtë arsye, ishte e detyrueshme që Ronaldinho të qëndronte në burg”, shpjegoi prokurori i çështjes.
