Një lajm i mirë vjen nga Italia për të prekurit nga koronavirusi. Një pacient 79-vjeçar është kuruar falë ilaçit Remdesivir.
Nga 7 marsi filloi trajtimi për të moshuarin dhe i kanë bërë dy teste së fundmi, të cilat kanë rezultuar negative. Matteo Bassetti, kreu i sëmundjeve infektive në Poliklinikën e San Martinos në Geno foli për trajtimin gjatë një konference për shtyp, raporton e përditshmja italiane Mentelocale.
“Ai do të kthehet në shtëpinë e tij në Lombardi shpejt dhe kjo na ka lumturuar shumë. Ilaci duket se funksionon. Kemi pacientë të tjerë që po i trajtojmë”, tha Bassetti.
Remdesivir është ilaçi eksperimental që lufton Ebolan. San Martino bëri kërkesë që ta merrte direkt nga Washingtoni, vendi ku prodhohet.
Bassetti ka deklaruar se do të marrin sërish doza ilaci që do të vazhdojnë të përdoren tek pacientët e shtruar në Gjenova. Italia do të furnizohet edhe me ilaçin Tocilizumab, që zakonisht përdoret kundër artritit, por ka rezultuar i dobishëm për të luftuar koronavirusin.
“Nuk ka nevojë të kesh frikë, frika çon në zgjedhje joracionale, të tilla si nxitimi në dhomën e urgjencës”, përfundoi shefi i San Martino.
