Gazetari dhe moderatori i emisionit “Zonë e Lirë”, Arian Çani, ka reaguar përmes rrjeteve sociale, lidhur me shfaqjen e Kryemministrit Edi Rama lidhur me pandeminë botërore të Covid 19, por edhe masave që janë marrë nga Qeveria për parandalimin e përhapjes së koronavirusit.
“Na mbylli i Gjati na mbylliiiii… Ka 20 vjet që e pret këtë ditë… Putain… Bravo Ramses! Bravo o Faraon i Egjiptit !!! Tani je që je, futi një të mbyllur dhe rrjeteve sociale diarre dhe fli i qetë…
Të erdhi dita dhe e meriton. Ke luftuar për këtë ditë… Jepi Rams. Merr hak fort. Askush s’e ka mendjen në këto kohë kolerash.
Madje shumica e banoreve idiotë dhe analfabetë të këtij katundi, do gëzohen pa masë. Jepi Ramses Faraoni… Godit fort. Déguelasse!”, shkruan Çani në faqen zyrtare të rrjeteve sociale, të emisionit që drejton.
Reagimi i gazetarit ka ardhur, pasi Akti Normativ i Qeverisë, krahas masave të tjera parashikon që, të gjitha transmetimet audiovizive me më shumë se dy persona në të njëjtën studio televizive dënohen me gjobë në masën 1 000 000 (një milion) lekë dhe në rast përsëritjeje iu shtohet edhe vendosja e bllokimit, të pjesshëm ose të plotë, të transmetimit nga media audiovizive si dhe bllokimi dhe/ose ndalimi i funksionimit të pajisjeve, pas marrjes së vendimit nga ministria përgjegjëse për shëndetësinë dhe zbatohet nga organi kompetent”.
