Policia e Durrësit ka shoqëruar 5 persona pasi nuk kanë respektuar urdhrin e Qeverisë për të mos lëvizur me makina private, vendimi që ka hyrë në fuqi prej orës 06:00 të mëngjesit të sotëm.
Qeveria ndërmorri këtë masë shtrënguese me qëllim frenimin e përhapjes së koronavirusit.
Policia ka paralajmëruar se do merren masa ndëshkuese për këdo që del me makinë.
Asnjë mjet privat nuk lejohet në rrugë veç ambulancave dhe makinave shtetërore. Policia iu ka bërë thirrje shoferëve e qytetarëve të mos daslin në rrugë.
Masat shtrënguese përfshinë Tiranën, Durrësin, dhe shumë prej qyteteve kryesore.Por ajo që ndodhi pasditen e djeshme, kur qindra persona kanë udhëtuar për fundjavë drejt Korçës dhe Shkodrës, dy qytete që nuk rezultojnë me raste të konfirmuara me koronavirus, ka shtuar shqetësimin te mjekët.
Pëllumb Pipero, mjek i njohur infeksionist, e ka cilësuar një gabim të madh atë që ndodhi, ndërsa bëri thirrje që të mbyllen lokalet dhe restorantet në këto qytete.
