Nga momenti që në Shqipëri u shfqën rastet e para me koronavirus, janë ndërmarrë disa masa me synim parandalimin e përhapjes së virusit, i cili po kthehet në një pandemi botërore.
Masa e parë ishte mbyllja e shkollave, kopshteve dhe çerdheve, për të vijuar më pas me mbylljen e lokaleve të natës, palestrave, pishinave, kinemave, teatrove. Gjithashtu, policia është udhëzuar të mos lejojë grumbullime të personave në vende publike.
Ndërkohë që nga specialistë të shëndetit publik u është kërkuar qytetarëve që të shmangin daljet e panevojshme, gjithashtu lëvizjet me transportin urban.
Prej ditës së djeshme ka pasur një ulje në qarkullimin e qytetarëve, që duket se janë ndërgjegjësuar për masat parandaluese. Një pjesë e lokaleve kanë zgjedhur të mbyllen,
Kjo foto e LSA tregon se edhe lokalet kanë nisur të marrin masa.
Megjithatë, sërish shumë prej tyre janë hapur dhe tavolinat nuk respektojnë distancën prej të paktën 1 metër, një rregull që u aplikua në Itali.
