Ditën e diel, datë 15 mars, është e programuar të zhvillohet Çmimi i Madh i Australisë në F1, garë kjo që çel sezonin për vitin 2020.
Por megjithatë, coronavirusi, duket se ka futur rrënjët edhe në sportin më të dashur për garat e shpejtësive të larta, pasi mëngjesin e sotëm një person doli pozitiv me coronavirus në hotelin ku janë akomoduar mjaft skuadra në “Albert Park Hotel”, pranë pistës.
Të gjithë këta persona janë në karantinë në të njëjtin hotel por frika është se të infektuarit nga coronavirus mund të jetë më shumë. Sipas mediave vendase, 1 anëtar i skuadrës McLaren dhe 2 të skuadrës Haas janë vendosur gjithashtu në karantinë, pasi kanë simptoma të coronavirus.
Gjithsesi për momentin gara do të zhvillohet normalisht, deri në një njoftim që mund të anulonte gjithçka.
