Kryeministri Edi Rama ka shpërndarë ne rrjetin social mesazhin e ish-kapitenit të kombëtares, Lorik Cana, i cili iu bën apel qytetarëve si të mbrohen nga koronavirusi.
“Përshëndetje nga shtëpia ime në Romë. Disa gjëra të vogla për secilin prej nesh. Kemi detyrë të respektojnë sidomos pjesën e higjienës, të lajmë duart, të evitojmë grumbullimet, në gjendje gripale të qëndrojmë në shtëpi. Studentët që janë pushim, nuk janë pushim por kanë një mision përgjegjësie”, shprehet Cana.
Ndërsa Rama thotë se nuk duhet të kemi frikë, por të kemi kujdes.
Mesazhi i Ramës:
🔴 Mesazh i kapitenit legjendar të kuqezinjve, Lorik Cana
🔴 FRIKË JO, KUJDES PO!
🔴 DHE JU LUTEM:
Të ruajmë veten dhe njëri-tjetrin duke kufizuar sa më shumë kontaktet fizike! Të lajmë duart sa më shpesh për jo më pak se 20 sekonda! Të kufizojmë daljet dhe uljet nëpër kafene e restorante, vajtjet në palestra, disko e në mjedise të mbyllura me kontakte të shumta! Të mbrohemi me maskën e arsyes nga INFODEMIA – lajmet, kronikat, komentet, debatet që krijojnë konfuzion, pasiguri, shkurajim!
