Partia Demokratike denoncoi sot një fakt të rëndë, i cili nëse rezulton i vërtetë, përbën një skandal të madh nga ana e Ministrisë së Shëndetësisë.
Sekretari i Përgjithshëm i PD-së, Gazment Bardhi, tha se Ministria e Shëndetësisë ka shpërndare maska të skaduara për personelin mjekësor.
“Data e skadencës së maskave të shpërndara është 20 dhjetor 2011.
Maskat e shpërndara për mjekët nuk janë mjete mbrojtëse, por mbetje spitalore.
Denoncimi erdhi nga mjekët, të cilet kane patur irritime në fytyrë”, tha Bardhi.
Ai i bëri thirrje Prokurorisë të nisë hetimet për atë që er quajti “krimin shtetëror të shpërndarjes së maskave të skaduara”.
Bardhi tha se përgjegjëse direkte është ministrja e Shëndetësisë, e cila ka urdhëruar shpërndarjen e maskave të skaduara.
