Në studion e emisonit e “360gradë” ka patur debate për masat për parandalimin e koronavirusit. Mjeku Petrit Vargu tha se masat për përhapjen e koronavirusit në Shqipëri janë zero.
Petrit Vargu: Pyetja ime është kjo, si në rastin me pukjanët, si me rastin e skraparllinjve, cilët nga këto dy raste ka profesionalizëm? Masat për përhapjen e koronavirusit në Shqipëri janë zero.
Kjo deklaratë e Vargut u kundërtshtua nga doktori Enver Roshi.
Enver Roshi: Nuk janë zero. Zero do të thotë panik.
Petrit Vargu: Më thuaj cilat janë masat për ata që kanë hyrë në Shqipëri, meqenëse iku pjesa e parë? Më thuaj cilat janë masat që ndalojnë përhapjen e këtij virusi?
28-vjeçari me inicialet P.K dhe babai i tij 54 vjeç me inicialet V.K, janë dy të infektuarit e parë me koronavirus në Shqipëri. Sipas Ministrisë dy personat e infektuar ndodhen në spitalin infektiv në QSUT dhe gjendja e tyre është e stabilizuar. Në karantinë janë futur edhe të afërmit e dy personave të infektuar. Rama deklaroi sot se institucionet shkollore do të mbyllen për 2 javë, deri më datën 3 prill.
