Kreu demokrat Lulzim Basha propozoi dje një reformë radikale zgjedhore, ndërsa tha se Parlamenti duhet të ketë dy dhoma, Senatin dhe Dhomnën e Ulët. Gjithashtu Basha tha se sistemi zgjedhor nuk mund të caktohet nga partitë, por duhet të jetë zgjedhje e qytetarëve.
Në tërësi, Basha propozoi 18 ndryshime thelbësore në atë që e quajti reforma radikale zgjedhore, e cila prek Kushtetutën, veçanërisht përsa i takon Kuvendit.
Sipas propozimit të Bashës, 40 anëtarë duhet të jenë në Senat dhe 100 në Dhomën e Ulët.
Propozimi i Bashës ka sjellë edhe reagimin e parë. Ish-ministri i Drejtësisë Ylli Manjani shprehet se është 100% dakort me ato 18 pika që propozon Lulzim Basha.
“Janë 18 pika nga duhet të fillojë rivendosja e shtetit demokratik. Të paktën pluripartiak.
Por nuk pres që këto çështje kaq madhore ti diskutojnë e ti vendosin 4 persona rreth asaj tryeze të zezë, në bodrumin e Pallatit të Kongreseve.
Ato të 18-ta, janë çështje të mëdha. Shumë të mëdha që tejkalojnë jo atë tryezë të zezë, por një epokë 30 vjeçare.
Një cikël të tërë që nisi nga shkërmoqja e shtetit monist dhe përfundoi prap rithemelimin e shteti monist. Duhet diskutime të mëdha por dhe vendime kurajoze e të forta për t’u ndarë nga kjo epokë me cikël të mbyllur tashmë.
Sinqerisht nuk pres, as nuk shkon madje, që Parlamenti me ish kaçurrelsë e kaçurelë kërpëratistë, as katranët me bojë që janë aty të marrin vendime kaq të mëdha.
Prandaj, ndoshta është më mirë të mbyllet një orë e më parë ajo tryezë e zezë e atyre katër vetëve e ti hapim rrugë zgjedhjeve një orë e më parë.
Reforma të thella duhen bërë paskëtaj, pa asnjë dyshim. Kemi nevojë për një shtet të drejtë, të ballacuar, proporcional e të përgjegjshëm”, shkruan Manjani në reagimin e tij.
