Fjalimeve qesharake të prurjeve të reja në Kuvendin e Shqipërisë, i bashkohet një tjetër ‘perlë’.
Deputeti i opozitës së re, Kostaq Papa ka tentuar ditën e djeshme të japë një mesazh sensibilizues me rastin e festës të 8 marsit, por me fjalën e tij është bërë viral në rrjetet sociale për shkak se ka dhënë mesazhin e kundërt.
Deputeti i Kuvendit, që sfidon denjësisht fjalimin e “korporatës”, ka thënë se kur ishte i ri, me kaçurrela dhe kishte para, femrat që ka patur në jetë kanë pirë vetëm uiski dhe pije të mira dhe jo ujë.
“Të gjithë duhet të jemi xhentëlmen me që kanë ndodhur disa gjëra lidhur me femrat, periudhën e kaluar. Femrave duhet ti kërkojmë ndjesë edhe kur kemi të drejtë.
Respekti im është, unë di të kërkoj ndjesë për këdo dhe aq më tepër për femrat sepse në rininë time, të gjitha femrat që më janë afruar mua, kur kisha edhe kaçurrelat, por kur kisha edhe paratë, kanë pirë më shumë uiski, apo pije të mira sesa ujë”, thekson Kostaq Papa.
