Ish- drejtori i ALUIZNI-t në Durrës Arben Isaku ka lënë qelinë. Gjykata e Durrësit e ka liruar me garanci pasurore.
Isaku u arrestua pak kohë më parë për pasojat e tërmetit të 26 nëntorit në Durrës.
Ai akuzohej për shpërdorim detyre lidhur me legalizimet që kishin bërë zyrtarë të ALUIZNI-t me objektet e dëmtuara nga tërmeti.
Po ashtu ka lënë qelinë dhe Klajdi Lame. Ai u arrestua nën akuzën e “Shpërdorimit të detyrës”, në cilësinë e inspektorit të Inspektoratit Ndërtimor Urbanistik Durrës, për shembjen e pallatit 6 katësh ku humbën jetën dy shtetase.
Po Arben Isaku është arrestuar edhe njëherë më parë kur akuzohej se si zv.drejtor i Kadastrës në Durrës legalizoi me letra false truallin në zonën e plazhit por më pas në gusht të 2019 u lirua po nga Gjykata.
