Sali Berisha, i ftuar në EruoNews foli edhe për marrëveshjen për të ndarë pushtetin politik nga pushteti gjyqësor. Kjo marrëveshje u bë edhe në sy të ndërkombëtarëve, por Berisha tha se PD e shpëtoi reformën duke bërë një përpjekje titanike.
Sipas tij, të gjitha draftet që shkuan në Venecia u rrëzuan.
Ai tha se PD bëri që drejtësia të mos kapej. Pati një marrëveshje mes PD dhe dy ambasadorëve për votimin e kushtetutën dhe ligjet organike, por Edi Rama prishi konsensusin dhe miratoi ligjet.
Sipas Berishës, që në këtë moment opozita ka pasur zero rol në reformën e drejtësisë, e braktisi procesin dhe i tha bëje. Pati dy momente kyce tha ai.
“Njëri ishte se ambasadorët erdhën në zyrën time, sepse eksperienca ime ishte më e madhe me Kushtetutën. Unë mendoj se unë i kam shërbyer vendit në kundërshtimin e atyre amendamenteve që u hodhën poshtë nga Venecia. Ndërkombëtarët më thanë që ata që vetohen dhe dalin jashtë nga sistemi të mos ankimohen dhe unë i thashë se nuk e pranoj kurrë sepse ata kanë të drejtën e tyre.”-deklaroi Berisha.
Por pse është në batak reforma?
“Mazhoranca zgjodhi metodën e dekompozimit dhe shkatërrimit, pra të fusnin duart nga sipër.
Por ne nuk e pranuam tha Berisha sepse kjo do të na linte pa institucione.
“Berisha tha se kanë kundërshtuar dhe nuk kanë pranuar metodën e shkatërrimit. Koreja e veriut dhe Shqipëria janë dy vende pa Gjykatë Kushtetuese. Shteti ligjor tha ai, shtyllë kryesore ka sistemin e drejtësisë. Pra, tha Berisha, në këtë rast cila është përgjegjësia e opozitës?
Të gjitha këto tha ai kanë ndodhur kur opozita ka qenë në Parlament. “Filloi vettingu dhe ne i thamë se duhej të bëhej vetting sipas kritereve korruptive dhe jo të bëhej me pagesë. DSIK-ja jep ato që do dhe mohon ato që s’do. Pra vettingu tani bëhet me korrupsion, me pagesë, 300 mijë euro për një vetting.”-tha Berisha.
Ndërkohë foli edhe për ndërkombëtarët. Ai tha se çfarë bëjnë ndërkombëtarët është puna e tyre, por lënia e vendit pa Gjykatë Kushtetuese është kriminale.
