Në studion e Ilva Tares, ish kryeministri Sali Berisha pranoi se opozita deri tani nuk ka bërë të mundur të rrëzoi Ed Ramën që sipas tij ka shkatërruar vendin. Por më tej ai shtoi se e vetmja rrugë për të larguar Ramën është revolucion, qëndrimi për ditë me radhë para derës së kryeministrisë dhe moslënia e tij të futet brenda në zrë. Pra Berisha tha se Rama duhet të detyrohet të largohet nga vendi.
“Unë e kam thënë dhe e them se ose Rama të duhet të rrëzohet ose do të jetë një gjë shumë e dëmshme për PD. PD nuk arriti të bëjë zgjedhje. Rëndësi ka nëse do të rrëzonte Ramën do t’i bënte një shërbim të jashtëzakonshëm vendit. PD është në betejë . Unë e kam thënë se PD duhet të jetë çdo ditë në protesta. Ky është një shkatërrues i vendit. Shqipëria po shkatërrohet.”, tha Berisha.
Berisha deklaroi me tej se vendi ynë është duke u damkosur çdo ditë nga raportet ndërkombëtare. Ai tha se qeveria dhe mafia e drogës vendos të marr zgjedhjet me narkomanët, kjo nuk mund të pranohet. Qeveria sipas Berishës rrëzohet me revolucion. Kur të vendosin 3-4 mijë shqiptarë për të rrëzuar Ramën, ai ia mbath jo në Surrel por edhe më larg. Ish kryeministri Berisha tha se një nga mënyrat është protesta e vazhdueshme dhe bllokimi i hyrjes së tij në kryeministri. Ai do t’ia mbath, por dua të them se vendin ia ka bërë gati Vuçiç. Sipas tij, Vuçiç do i jap azil. Edi Rama tha ai është frikacak. Janë mbi 400 mijë shqiptarë që janë larguar.
