Mbrëmjen e djeshme u hodh shorti për grupet e Nation League. Shqipëria dhe Kosova bënin pjesë në Ligën C të Nation League, megjithatë një përballje vëllazërore midis kombëtareve u shmang.
Shqipëria do ketë si kundërshtarë Bjellorusinë, Lituaninë dhe Kazakistanin, ndërsa Kosova Greqinë, Slloveninë dhe Moldavinë.
Gjithsesi Shqipëria nuk ka mësuar vetëm rivalët, pasi edhe kalendari i ndeshjeve është bërë publik dhe kuqezinjtë e fillojnë turneun me Bjellorusinë dhe e përfundojnë po me këtë kombëtare.
Takimi i Parë luhet në datën 4 shtator kundër Bjellorusisë, ndërsa tre ditë më vonë luajmë në shtëpi kundër Lituanisë. Në muajin tetor do të luajmë kundër Kazikistanit (10 tetor) dhe Lituaninë tre ditë më vonë. Të dyja ndeshjet janë në transfertë.
Dy ndeshjet e fundit do të luhen në shtëpi. Më 12 nëntor mysafir do të jetë Kazakistani, kurse më 15 nëntor Bjellorusia.
Kalendari i ndeshjeve:
4 Shtator 2020: Bjellorusi-Shqipëri
7 Shtator 2020: Shqipëri-Lituani
10 Tetor 2020: Kazakistan-Shqipëri
13 Tetor 2020: Lituani-Shqipëri
12 Nëntor 2020: Shqipëri-Kazakistan
15 Nëntor 2020: Shqipëri-Bjellorusi
