Ndeshja hapëse për javën e 25-të të Kategorisë Superiore midis Laçit dhe Bylisit, u mbyll me rezultatin 2-1 në favor të vendasve.
Skuadra e Laçit kaloi e para në avantazh në minutën e 57-të me anë të Bedri Grecës, por reagimi i mysafirëve do të vinte vetëm 7-të minuta më vonë me anë të një penalltie që e ktheu në gol Mocone. 3 minuta më pas Bylisi kishte mundësinë për të kaluar në avantazh me anë të Guindo-s me një goditje pranë kuadratit të portës gjithsesi pa sukses.
Goli i fitores për kurbinasit do të vinte në minutën e 86-të, ku meritat shkojnë për Rrapon, i cili goditi saktë brenda zonës dhe pas një grushtimi jo të mirë të Hidit, topi përfundon në rrjetë.
Me këtë rezultat Laçi ndodhet në vendin e tretë në kuotën e 41 pikëve, 3 më shumë se Partizani i vendit të katërt dhe 2 më pak se Kukësi i vendit të dytë por që të dyja skuadrat luajnë ndeshjet e tyre në orën 17:00.
