Largimi i Ivan Rakitiç nga skuadra e Barcelonës është paralajmëruar kohë më parë. Vetë klubi blaugranas ka deklaruar disa herë që lojtari nuk është më pjesë e projektit afatgjatë të klubit.
Ndërsa nga ana tjetër, edhe lojtari duke parë që nuk është titullar i rregullt ka kërkuar të ndërrojë ambient për të gjetur minutat që ai kërkon.
Së fundmi “Marca” raporton se nënkampioni i botës, ka arritur marrëveshje me Atletico Madridin dhe nga muaji korrik do të jetë nën urdhrat e Diego Simeones.
Për Rakitiç më parë ka shfaqur interes Interi, por bisedimet mes palëve tani nuk ekzistojnë më, pasi merkato e zikaltërve ka ndryshuar drejtim me disa transferime gjatë periudhës së janarit.
