Pas reagimit të Andi Bejtjas, edhe Andi Bushati ka komentuar deklaratën e ambasadores së ShBA-së Yuri Kim, e cila tha se u surprizua kur pa flamurin amerikan në manifestimin e Metës dhe se ShBA distancohet nga ai manifestim.
Përmes një reagimi në rrjetet sociale Bushati shkruan se ambasadorja Kim shqetësohet se njëra palë manifeston me flamurin amerikan, por nuk shqetësohet kur kryeministri Edi Rama flet në emër të ShBA-së.
“Shqetesohen se njera pale manifeston me flamurin amerikan dhe nuk shqetesohen kur kryeministri flet ne emer te ShBA, se ata qe i prishin zgjedhjet monopartiake, do i ndalohet hyrja ne Amerike…..vazhdoni besoni tek arbitri i pavarur” – shkruan Bushati.
Në një postim të shkurtër në Twitter pas manifestimit, ambasadorja amerikane bëri këtë koment:“U surprizova kur pashë flamurin amerikan në “manifestimin” e mbrëmjes së sotme. Për të shmangur çdo konfuzion, dëshirojmë të sqarojmë se ndërsa SHBA mbështesin të drejtën e protestës paqësore, ne nuk kemi asnjë lidhje me “manifestimin” e mbrëmjes së sotme”.
Bejtja, ambasadores Kim: Ke ngatërruar popull. Edhe rrobat e banjos i kemi me flamur amerikan
