Një grua u mor me forcë nga policia, para se të dënohej publikisht në provincën Aceh të Indonezisë,për marrëdhënie seksuale jashtë martesës, gjë e cila sipas ligjit islam përbën një krim të dënueshëm.
Dhjetëra persona u mblodhën para një xhamie në kryeqytetin Banda Aceh, për të parë gruan e poshtëruar dhe keqtrajtuar së bashku me shtatë persona të tjerë. Një oficeri i sheriatit (shriati- parimet e përgjithshme të së drejtës islame, e bazuar në Kuran dhe Sunnet) i maskuar gjuante nga pesë deri në 45 gjuajtje me kamxhik në formë dënimi ndaj “mëkatarëve”.
Burrat dhe gratë u dënuan nga oficerët fetarë pasi raportohet se kishin kryer marrëdhënie seksuale jashtë martesore, duke shkelur në këtë mënyrë një nga ligjet themelore të Sheriatit. Rreth 98 përqind e pesë milionë banorëve të Aceh janë myslimanë që i nënshtrohen ligjit fetar, i njohur në vend si “Qanun”.
Nga krahu tjetër pakica jomyslimane që kanë kryer një krim, shpesh zgjedhin që të ndiqen penalisht nën ligjin islam, për të shmangur në këtë mënyrë burgun. Aktivistë të shumtë në Indonezi e kanë cilësuar këtë fenomen si një mizori. Madje dhe presidenti i vendit Joko Widodo, ka bërë thirrje herë pas here që kjo gjë të përfundojë, por thirrjet e tij janë injoruar nga qytetarët e Aceh, të cilët e mbështesin gjerësisht këtë praktikë.
