Cristiano Ronaldo ka mbetur i acaruar nga përditësimet e Transfermarkt në vlerën e tij, derisa nuk ka hezituar t’i bllokojë në Instagram.
Sajti gjerman që merret me vlerësimin e lojtarëve në të gjitha ligat, së fundmi ka përditësuar edhe vlerën e lojtarëve që luajnë në Serie A. Transfermarkt ka vendosur se vlera aktuale e 35-vjeçarit në tregun e transferimeve është 67.5 milionë funte, e që kjo gjë e ka acaruar Ronaldon.
Pesë herë fituesi i Topit të Artë nuk ka ngurruar që t’i bllokojë ata në Instagram, dhe këtë gjë e ka zbuluar edhe faqja.
“Nuk mund t’i bëjmë ‘tag’ Ronaldos për arsye se na ka bllokuar, pasi pa vlerën e tij në tregun e transferimeve”, ka shkruar Transfermarkt.
https://twitter.com/RoyalANfield/status/1234114653778612226?ref_src=twsrc%5Etfw%7Ctwcamp%5Etweetembed&ref_url=https%3A%2F%2Fwww.sportbible.com%2Ffootball%2Ffunny-transfers-cristiano-ronaldo-blocks-website-for-their-low-valuation-of-him-20200302
