Në një shesh të mbushur plotë, Presidenti i vendit Ilir Meta foli për qëllimin për të cilën ai thirri popullin në këtë tubim. Sipas metës arsyeja e vetme është t’i themi ndal revanshit të qeverisë së Edi Ramës e cila po punon vetëm për të mirën e oligarkëve
“Jemi këtu se Shqipëria sot është e ndarë në dy botë, në botën e popullit Kuq e Zi dhe në grupin e atyre që përfaqësojnë një botë të vogël. Unë si President i Republikës i kam rrëzuar dekretet ligjërisht , atë të koncësioneve që kanë vetëm një qëllim grabitjen. Ata kërkojnë dhe rrëmbimin në mënyrë mafiozë të Gjykatës Kushtetuese që oligarkët të fitojnë sa më shumë dhe krimet e tyre të mbetën të pagjykuara. Jemi sot këtu sepse asnjë nga ne nuk mund t’i qëndrojë anash grushtit të shtetit, jemi këtu për të qëndruar përpara pranverës Kuq e Zi, kundër grushtit të shtetit.
Pse presidenti thirri popullin? Sepse presidenti i shteroi të gjitha përpjekjet institucionale për të parandaluar kapjen e shtetit dhe sidomos grushtin e shtetit. Sepse pasuria kombëtare që po vidhet çdo ditë është ajo e që u takon gjithë shqiptarëve. Sistemi i drejtësisë është kapur prej tyte. Kemi drejtësi me regji që godet të varfërit dhe garanton pavdekshmërinë e klaneve, sepse financat po shterojnë, sepse skandalet që denoncon KLSH bien në vesh të shurdhër, për qeverinë, Kuvendin dhe drejtësinë që fle, sepse ekonomia juaj është në ditët më të errëta, oligarkët kontrollojnë parlamentin një partiak, një krim i rëndë që ka përmbysur parimin bazë të pavarësisë, barazinë, ata miratuan një ligj për të favorizuar në mënyrën më antikushtetuese, oligarkët dhe klanet e tyre, shkelën nenin 128 të Kushtetutës që thotë se taksat dhe mënyra e mbledhjes së tyre caktohen me ligj dhe nuk mund t’i jepet fuqi prapavepruese. Oligarkët qeveria i kishte njoftuar më parë deri sa të miratonte këtë ligj që i favorizonte ata.
Kjo mazhorancë rrëzoi brenda natës pa prezencën e presidentin, opozitës, dekretin e presidentit për këtë ligj antikushtues. A mund të jetë ky parlamenti juaj? A mundet që të mbijetojnë bizneset e vogla ?”
