Instituti Kombëtar i Sëmundjeve Infektive në Romë, Spallanzani informon se është rritur numri i personave të infektuar me kronavirus në territorin e rajonit të Lazios.
Një oficer policie ka rezultuar pozitiv nga koronavirus e po kurohet në këtë strukturë.
Të infektuar nga koronavirusi janë dhe bashkëshortja e tij me dy fëmijët, si dhe kunata, të cilët po kurohen në kushte shtëpie.
Për motive sigurie janë pezulluar orët mësimore në shkollat ku mësojnë e studiojnë dy fëmijët e tij.
Pozitiv nga koronavirus është dhe një person i infektuar në Lazion gjatë një kontakti me një nga vatrat e koronavirusit në Veneto.
Po ashtu i prekur nga koronavirus është dhe një zjarrfikës i ri në moshë cili po mbahet në mbikëqyrje sanitare në një kazermë në periferi të Romës.
Në spitalin e sëmundjeve infektive të Romës vazhdojnë të kurohen nga koronavirus dhe tre anëtarë të një familje nga Fiumicino të infektuar gjatë një udhëtimi të kryer dy javë më parë në Bergamo.
Deri tani në Itali raportohen 1500 persona të infektuar, 41 të vdekur dhe 83 të shëruar.
