Karikaturisti i mirënjohur Bujar Kapexhiu teksa fliste përpara qytetarëve në bulevard, u shpreh se është kundër kapjes dhe tjetërsimit të ligjit. Më tej, Kapexhiu deklaroi se shpeshherë është ndjerë socialist e demokrat, por vetëm kur ka qenë fjala për mbrojtje të shqiptarëve dhe të Shqipërisë.
Kapexhiu theksoi se morëm të keqen nga diktatura dhe po nxjerrim më të keqen e demokracisë, duke bërë apel: “braktisni karriget e vjedhura, ose do përballeni me zemërimin e sovranit!”
“Të mbrojmë të vërtetën,ligjin Jemi kundër gënjeshtrës e poshtërisë. Në çaste të veçanta jam ndjerë dhe demokrat edhe socialist, vetëm e vetëm në ato çaste kur është fjala për të mirën e Shqipërisë dhe të atdheut tim.
Sot në këto çaste jam me të gjithë ju, që jeni në mbrojtje të ligjit, Kushteutës, mbrojtjes së atdheut.
Jam kundër atyre që duan ta tjetërsojnë ligjin për interesa të ngushta personale apo të një grupi të caktuar. Morëm më të keqen e diktaturës dhe po nxjerrim më të keqen e demokracisë.”-deklaroi Kapexhiu.
