Kryetarja e LSI-së, Monika Kryemadhi nga Vlora ku mbajti një takim me aktivin, tha se me 2 mars, ditën qe Kreu i Shtetit, ka thirrur mbajtjen e një manifestimi, do të jetë në bulevardin “Dëshmorët e Kombit”, jo për Ilir Metën si President, por për të treguar që e gjithë fabula dhe përralla mashtruese e Rilindjes dhe Edi Ramës që ka ndërtuar për Shqipërinë, jo vetëm që është një mashtrim i madh për shqiptarët, por edhe për ndërkombëtarët.
“Duke përfituar nga ky takim në Vlorë, dua të bëj edhe njëherë të ditur qëndrimin tim jo si kryetare e LSI, por si qytetare që unë më 2 mars do të jem në Bulevardin “Dëshmorët e Kombit”. Nuk do të jem për Ilir Metën si President, as për shkeljen kushtetuese që ka bërë Rilindja dhe Edi Rama, sepse ata e kanë bërë gjithmonë atë gjë. Do të jem në bulevard për të treguar që e gjithë historia e rilindjes që ka ndërtuar dhe gjithë fabula dhe përralla mashtruese e Rilindjes dhe Edi Ramës që ka ndërtuar për Shqipërinë, jo vetëm që është një mashtrim i madh për shqiptarët, por është një mashtrim i madh edhe për ndërkombëtarët të cilëve do t’u bjerë në kokë mashtrimi që kanë ndërtuar dhe që është ndërtuar. “, tha Kryemadhi.
Ndërkaq, Kryemadhi duke vënë theksin tek ekonomia, tha: “Ne do të angazhohemi jo vetëm për të ulur taksat por do të angazhohemi për të krijuar të gjithë ambientin në të cilin zhvillohet ekonomia shqiptare, biznesi shqiptar që shqiptarët të kenë mundësinë e zhvillimit të tyre. Çdo të thotë kjo, jo vetëm tek ulja e taksave por edhe tek unifikimi I kontrollit në një, jo për të pasur 7 polici sepse nuk mund të zhvillohet biznesi duke pasur 7 kopaçe në kokë. Biznesi do të zhvillohet duke I krijuar mundësinë, duke rritur konkurrencën, duke krijuar mundësitë dhe aftësinë që njerëzit të zhvillohen dhe të nxjerrin në pah të gjithë elementet e tyre pozitive.”
